घरेलु टिम इंग्ल्यान्डविरुद्धको पहिलो एकदिवसीय खेलमा अस्ट्रेलिया विजयी भएको छ।
म्यानचेस्टरमा शुक्रबार राति सकिएको खेलमा अस्ट्रेलियाले इंग्ल्यान्डलाई १९ रनले पराजित गरेको हो।
पहिले ब्याटिङ गरेको अस्ट्रेलियाले ९ विकेटको क्षतिमा २९४ रन जोड्यो।
उसका लागि मध्यक्रमका ब्याट्सम्यान ग्लेन म्याक्सवेलले ७७ रनको योगदान दिए। यस्तै मिचेल मार्सले ७३ रन बटुलेका थिए।
बलिङमा इंग्ल्यान्डका जोफ्रा आर्चर र मार्क उडले ३-३ विकेट लिए। अदिल रसिदको नाममा २ विकेट रह्यो।
२९५ रनको लक्ष्य पछ्याएको इंग्ल्यान्डले ९ विकेटको क्षतिमा २७५ रन मात्र जोड्न सक्यो।
इंग्ल्यान्डका लागि ओपनिङ ब्याट्सम्यान जोनी बायस्ट्रोले ८४ रन जोडे। यस्तै साम बलिङ्सले ११८ रन जोडे। उत्कृष्ट ब्याटिङ गरेका उनले ११० बलमा १४ चौका र २ छक्का हिर्काए। तर उनको टिम पराजित हुँदा शतक छायाँमा पर्यो।
बलिङमा अस्ट्रेलियाका एडम जाम्पाले ४ विकेट लिए। जोस हजलउडको नाममा ३ विकेट रह्यो। १० ओभरमा ३ मेडन राख्दै केवल २६ खर्चिएका हजलउड प्लेयर अफ दि म्याच भए।
