नेपाल क्रिकेट संघ (क्यान) ले नेपाल प्रिमियर लिग (एनपिएल) आयोजना गर्ने निर्णय गरेको छ।
बुधबार भएको भर्चुअल वार्षिक साधारण सभाका प्रतिनिधिहरू एनपिएल आयोजना गर्न एक मत रहेको क्यानले जनाएको छ।
'नेपाल क्रिकेट संघको स्वामित्वमा रहने गरी नेपाली क्रिकेटको हित अनुकुल रहनेगरी केन्द्रीय कार्यसमितिलाई नेपाल प्रिमियर लिगको कन्ट्र्याक्ट साइन प्रक्रिया अघि बढाउने जिम्मेवारी दिएको छ,' साधारण सभाको निर्णय सार्वजनिक गर्दै क्यानले भनेको छ।
यस्तै क्यानले २०७०-७१ देखि २०७५-७६ सम्मको संघको वार्षिक लेखा परीक्षणको प्रतिवेदनलाई बुधबार सम्पन्न वार्षिक साधारण सभाले पारित गरेको छ।
यस्तै वर्ष २०७६-०७७ को लेखा परीक्षणको लागि एबिएस एन्ड एसोसियट्सलाई जिम्मेवारी दिने निर्णय गरेको छ।
वित्तिय वर्ष २०७७-७८ को कार्यक्रम र बजेट निर्माण गर्दै अघि बढ्न केन्द्रीय कार्यसमितिलाई सभाले निर्देशन दिएको छ।
यस्तै एन्टी करप्सन, एन्टी डोपिङ र एथिक्स पोलिसी निर्माण गर्न तथा ५ वर्षे रणनीतिक योजना निर्माण गर्न र सो योजना
अन्तर्राष्ट्रिय क्रिकेट काउन्सिलमा पेस गर्न पनि साधारण सभाले केन्द्रीय समितिलाई निर्देशन दिएको छ।
जिल्ला र प्रादेशिक क्रिकेट संघको कार्यविधि निर्माणय तथा तथा खेलाडी, क्यानका केन्द्रीय र जिल्ला पदाधिकारी तथा सदस्य र कर्माचारीको कोड अफ कनडक्ट निर्माणय गर्न पनि साधारण सभाले निर्देशन दिएको छ।
क्यानको साधारणसभाको निर्णय :
