पाकिस्तानविरुद्धको दुई टेस्टको सिरिज घरेलु टिम न्युजिल्यान्डले क्लिनस्विप गरेको छ।
बुधबार चौथो दिन नै दोस्रो टेस्टमा जित हात पार्ने क्रममा न्युजिल्यान्डले पाकिस्तानलाई इनिङ्ग्स र १७६ रनको फराकिलो अन्तरले पराजित गर्यो।
यसअघि पहिलो टेस्टमा जित हासिल गरेको न्युजिल्यान्डले सिरिज २-० ले जितेर क्लिनस्विप गर्यो। जससँग न्युजिल्यान्ड टेस्ट वरीयतामा शीर्ष स्थानमा पुगेको छ।
बुधबार दोस्रो इनिङ्ग्समा पाकिस्तान १८६ रनमै अलआउट भएपछि खेल न्युजिल्यान्डको पक्षमा गएको थियो।
दोस्रो इनिङ्ग्समा पाकिस्तानका लागि अजर अली र जफर गोहारले ३७-३७ रन जोड्दा अन्य ब्याट्सम्यानले उल्लेख्य रन बटुल्न सकेनन्।
बलिङमा पाकिस्तानका केल जेमिसनले ६ विकेट लिए भने ट्रेन्ट बोल्टले ३ विकेट हात पारे।
तीन खेलाडीले शतक प्रहार गरेपछि पहिलो इनिङ्ग्समा विशाल अग्रता लिएको न्युजिल्यान्डले ६ विकेटको क्षतिमा ६५९ रन बनाएर इनिङ्ग्स समाप्तीको घोषणा गरेको थियो। जससँगै पहिलो इनिङ्ग्समा न्युजिल्यान्डले ३६२ रनको अग्रता लिएको थियो।
न्युजिल्यान्डका कप्तान केन विलियमसन, हेनरी निकोल्स र डरयल मिचेलले शतक प्रहार गरेका हुन्।
जसमा विलियमसनले दोहोरो शतक प्रहार गर्ने क्रममा २३८ रन जोडे। उनले ३६४ बलमा २८ चौका प्रहार गरे।
निकोल्सले १५७ रन जोडे। उनले २९१ बलमा १८ चौका र १ छक्का हिर्काए। निकोल्स र विलियमसनबीच ३६९ रनको साझेदारी भएको थियो। कप्तान केन विलियमसन, हेनरी निकोल्स र डरयल मिचेलले शतक प्रहार गरेका हुन्।
जसमा विलियमसनले दोहोरो शतक प्रहार गर्ने क्रममा २३८ रन जोडे। उनले ३६४ बलमा २८ चौका प्रहार गरे।
निकोल्सले १५७ रन जोडे। उनले २९१ बलमा १८ चौका र १ छक्का हिर्काए। निकोल्स र विलियमसनबीच ३६९ रनको साझेदारी भएको थियो।
यसअघि पहिलो इनिङ्ग्समा पाकिस्तान २९७ रनमा अलआउट भएको थियो।
पाकिस्तानका लागि अजर अलीले सबैभन्दा बढी ९३ रन जोडेका थिए भने बलिङमा न्युजिल्यान्डका केल जेमीसनले ५ विकेट लिएका थिए।
पहिलो टेस्टमा न्युजिल्यान्डसँग पाकिस्तान १०१ रनले पराजित भएको थियो।
