भारतविरुद्धको तेस्रो टेस्टमा अस्ट्रेलियाले राम्रो सुरुवात गरेको छ।
बिहीबार सिड्नीमा सुरु भएको टेस्टको पहिलो दिनको खेल सकिदा अस्ट्रेलियाले २ विकेटको क्षतिमा १६६ रन जोडेको छ।
अस्ट्रेलियाका स्टिभ स्मिथ ३१ रन र मर्नस लबुससेन ६७ रन बनाएर खेलिरहेका छन्।
त्यसअघि ओपनिङ ब्याट्सम्यान विल पुकोस्भी ६२ रनमा आउट भए। उनले ११० बलमा ४ चौका हिर्काए।
अर्का ओपनिङ ब्याट्सम्यान डेभिड वार्नर ५ रनमै आउट भएका थिए।
बलिङमा भारतका मोहमद र नवदिप सैनीले १-१ विकेट लिएका छन्।
यसअघि पहिलो टेस्टमा अस्ट्रेलिया र दोस्रो टेस्टमा भारत विजयी भएका थिए।
१-१ को बराबरीमा रहेको सिरिजको तेस्रो खेल दुवै टिमका लागि महत्वपूर्ण छ।