अस्ट्रेलियाविरुद्धको पाँच खेलको टी-२० सिरिज घरेलु टिम न्युजिल्यान्डले जितेको छ।
न्युजिल्यान्डले आइतबार विहान भएको पाँचौ तथा निर्णायक टी-२० खेलमा अस्ट्रेलियालाई ७ विकेटले पराजित गर्दै सिरिज ३-२ ले जितेको हो।
पाँचौ खेलमा पहिले ब्याटिङ गरेको अस्ट्रेलियाले ८ विकेटको क्षतिमा १४२ रन जोड्यो। उसका लागि म्याथ्यु वेडले ४४ रन जोड्दा आरोन फिञ्चले ३६ रन र मार्कस स्टोइनिस २६ रनको योगदान गरे।
बलिङमा न्युजिल्यान्डका इश सोधिले ३ विकेट लिए भने टिम साउथी र ट्रेन्ट बोल्टले २-२ विकेट लिए।
१४३ रनको लक्ष्य न्युजिल्यान्डले १५.३ ओभरमा ३ विकेटको क्षतिमा पूरा गर्यो। न्युजिल्यान्डका लागि मार्टिन गुपटिलले ७१ रन जोडे भने डेभन कनवेले ३६ रन बटुले।
ग्लेन फिलिप्सले नटआउट ३४ रनको योगदान दिए।
गुपटिल प्लेयर्स अफ दि म्याच र इश सोधि प्लेयर्स अफ दि सिरिज भए।
