नेपाली युवा ब्याट्समेन कुशल भुर्तेलले आफ्नो चौथो अर्धसतक पुरा गरेका छन्।
काठमाडौंमा जारी त्रिकोणात्मक टी २० आई सिरिज अन्तर्गत फाइनलमा नेदरल्यान्ड्सविरुद्ध पुनः अर्धसतक बनाउँदै चौथो अन्तर्राष्ट्र टी २० अर्धसतक पुरा गरेका हुन्।
भुर्तेलले शनिबार ४३ बल खेलेर २ छक्का र ५ चौकासहित अर्धसतक पुरा गरेका हुन्।
यसअघि उनले नेदरल्याण्डविरूद्ध नै पहिलो अन्तर्राष्ट्रिय टी २०, अर्धसतक पुरा गरेका थिए।
रुपन्देहीका २४ वर्षीय भुर्तेलले काठमाडौंमा जारी त्रिकोणात्मक टी–२० सिरिजमा लगातार तीन खेलमा तीन अर्धशतक बनाएर विश्व कीर्तिमान बनाएका थिए भने चौथो खेलमा अर्धसतक बनाउन चुकेका थिए। तर पाँचौ खेलमा अर्धसतक बनाएका हुन्।
भुर्तेलले नदेरल्याण्ड्ससितको खेलमा तीन तथा मलेसियासितको खेलमा एउटा अर्धशतक बनाएका हुन्। नेदरल्याण्ड्ससितको पहिलो खेलमा भुर्तेलले ६२ रन, मलेसियासितको खेलमा ६१ रन तथा नेदरल्याण्ड्ससितको दोस्रो खेलमा ६२ रन बनाएका थिए। यस्तै मलेसियाविरूद्धको चौथो खेलमा १६ रनमा आउट भएका थिए।
