नेपाल क्रिकेट संघ (क्यान) ले 'स्ट्रेन्थ एन्ड कन्डिसनिङ कोच' का लागि आवेदन खुला गरेको छ।
राष्ट्रिय पुरूष टिमको सपोर्ट स्टाफका लागि क्यानले आवेदन खुला गरेको हो।
यो पदका लगि लेभल-२ फिनेस ट्रेनर हुनु पर्ने बताइएको छ। ट्रेनरको प्रमाणपत्र बेलायत, अस्ट्रेलिया वा भारतबाट मान्यता प्राप्त शैक्षिक संस्थाको वा सो सरह हुनु पर्नेछ।
यस्तै कुनै खेल टिममा दुई वर्ष काम गरेको अनुभव पनि हुनु पर्नेछ।
यो पदको काम टिमको फिटनेसमा ध्यान दिने, चोट कम गराउने, खेलाडीको बलियो र कमजोर पक्ष केलाउँदै योजना बनाउने लगायतका छन्।
इच्छुकले १० दिनभित्र vacancy@cricketnepal.org.np मा आफ्नो व्यक्तिगत विवरण बुझाउन क्यानले भनेको छ।
