आइपिएल अंक तालिकाको पुछारमा रहेको सनराइजर्स हैदरावादले दोस्रो जित हात पारेको छ।
हैदरावादले सोमबार राति भएको खेलमा राजस्थान रोयल्सलाई ७ विकेटले पराजित गर्यो।
पहिले ब्याटिङ गरेको राजस्थानले ५ विकेटको क्षतिमा १६४ रन जोडेको थियो।
उसका लागि कप्तान सन्जु सामसनले ८२ रन जोडे। उनले ५७ बलमा ७ चौका र ३ छक्का हिर्काए।
बलिङमा हैदरावादका सिद्धान्त कौलले २ विकेट लिए।
१६५ रनको लक्ष्य हैदरावादले १८.३ ओभरमा ३ विकेटको क्षतिमा पूरा गर्यो।
हैदरावादका लागि जासन रोएले ६० रन जोडे। केन विलियमसनले नटआउट ५१ रन जोडे। उनले ४१ बलमा ५ चौका र १ छक्का प्रहार गरे।
अभिषेक शर्माले नटआउट २१ रनको योगदान दिए।
अंक तालिकाको पुछारमा रहेको हैदरावादले १० खेलबाट ४ अंक जोडेको छ। छैटौ स्थानको राजस्थानको ८ अंक छ।
