मिडफिल्डर आरोन राम्सीले आर्सनलसँगको ११ वर्ष लामो सहकार्य टुङ्गाएका छन्। उनले अब अगामी सिजनबाट इटालियन क्लब युभेन्टसका लागि खेल्नेछन् ।
उनले इटालियन क्लब युभेन्टस जान पूर्व सहमति गरिसकेका छन् ।२८ वर्षे राम्सेले साताको चार लाख पाउण्ड स्ट्रर्लिङ्ग पारिश्रमिकमा युभेन्टससँग सम्झौता गरेका छन् ।
इटालियन च्याम्पियन युभेन्टससँग उनले चार वर्षको सम्झौता गरेका हुन् । क्लब स्थानातरणको तयारी स्वरूप राम्सीले गत जनवरीमा दुईपटक मेडिकल गरेका थिए ।
आर्सनलसँगको उनको सम्झौता आगामी जुन ३० मा सकिदैं छ । उनी फ्रि एजेन्ट मार्फत जान लागेकाले क्लब छोड्दा आर्सनलबाट कुनै रकम पाउने छैनन् ।
युभेन्टस र आर्सनल दुवै क्लबले सम्झौताबारे औपचारिक जानकारी दिएका छन् । आर्सनलले राम्सीले क्लबका लागि महत्वपूर्ण भूमिका निर्वाह गरेकाले सँधैभरी हृदय र स्मृतिमा रहने जनाएको छ ।
नयाँ क्लब जानेभएपछि राम्सीले इन्स्टाग्राममा आर्सनलका फ्यानलाई धन्यवाद दिएका छन्।