युभेन्टसले इटालियन सिरी ए फुटबलको लिगमा पाँच खेल बाँकी छँदै लगातार आठौँ सिजन आफ्नो पक्षमा पारेको छ ।
घरेलु मैदानमा शनिबार राति भएको खेलमा फियोरेन्टिनालाई २–१ ले हराउँदै युभेन्टसले पाँच खेल अगावै उपाधिमा कब्जा जमाएको हो।
जितपछि यस सिजनमा युभेन्टस भित्रिएका क्रिष्टियानो रोनाल्डोले आफू १ हजार प्रतिशत युभेन्टसमै रहने बताएका छन् ।
सन् २०११/१२ को सिजनमा सिरी ‘ए’ जितेयता युभेन्टस् लगातार विजेता बन्दै आइरहेको छ ।
फियोरेन्टिना २-१ पराजित भएको खेलमा पहिलो पहिलो अग्रता भने फियोरेन्टिनाले लिएको थियो। उसले खेलको छैटौँ मिनेटमा गोल गर्दै अग्रता लिएको थियो। सो गोल मिलेन्कोबिचले गरेका थिए।
१-० ले पछि परेको युभेन्टसका लागि ३७ औं मिनेटमा लोबो सिल्भाले बराबरी गोल गरे। त्यसपछि खेलको ५३ औं मिनेटमा युभेन्टसले एक गोल आत्मघाती गोलका रूपमा उपहार पायो जसका कारण ५ खेल अगावै ऊ लिग विजेता बन्यो। फियोरेन्टिनाका पेजेल्लाले सोआत्मघाती गोल गरेका हुन् ।
५ खेल बाँकी रहँदै उपाधिमा कब्जा जमाएको युभेन्टसको लिगमा ८७ अंक छ । यो दोस्रो स्थानको नेपोलीको भन्दा २० अंकले बढी हो । यस सिजनमा ३३ खेल खेलिसकेको युभेन्टसले पाँच खेल बाँकी रहँदा २८ जित, ३ बराबरी र २ मा हारको नतिजा निकाल्दै लिग विजेता बनेको हो।
यस्तै दोश्रो स्थानमा नेपोलीको ६७ अंक छ भने इन्टरमिलान ६१ अंकसहित तेश्रोमा छ। यसैगरी चौथोमा एसी मिलानको ५६ अंक छ।