म्यानचेस्टर सिटीले घरेलु उपाधिमा ह्याट्रिक गरेको छ ।
काराबाओ कप र प्रिमियर लिगको उपाधि जितेको सिटीले एफए कप फुटबलको उपाधिमाथि पनि कब्जा जमाएपछि उसले घरेलु उपाधिमा ह्याट्रिक गरेको हो।
फाइनलमा शनिबार राति वाट्फोर्डलाई ६-० को फराकिलो अन्तरले हराउँदै म्यानचेस्टर सिटीले उपाधि जितेको हो ।
घरेलु मैदानमा ६-० ले हराउने क्रममा म्यानचेस्टर सिटीका लागि गाब्रिएल जिसस खेलको ३८ र ६८ औं मिनेटमा गोल गरेका थिए भने रहिम स्ट्रर्लिङ्गले खेलको ८१ र ८७ औं मिनेटमा गोल गरेका थिए। बाँकी दुई गोल डेविड सिल्भाले २६ औं मिनेटमा गरे भने र केविन डी ब्राउनले ६१ औं मिनेटमा।
सिटीको यो सन् १९०३ मा एफए कप फाइनलमा बरीले डर्बीलाई ६–० ले हराएयताको सबैभन्दा फराकिलो जित हो ।
