स्पेनिस लिग विजेता बार्सिलोनाले ला लिगा अन्तर्गत यो सिजनको अन्तिम खेलमा एइबरसँग २-२ गोलको बराबरी गरेको छ।
आइतबार राति भएको लिगको अन्तिम खेलमा बार्सिलोनाका लागि स्टार स्ट्राइकर लियोनल मेस्सीले २ गोल गरेका थिए।
ती दुबै गोलहरू दुबै टोलीले खेलको पहिलो हाफमा गरेका थिए।
हिजोको खेलमा पहिलो अग्रता एइबरले खेलको २० औँ मिनेटमा मार्क कुकुरियलको गोलबाट लिएको थियो।
त्यसपछि बार्सिलोनाका लागि मेस्सीले खेलको ३१ औं मिनेटमा बराबरी गोल गरे। उनले दोश्रो गोल ३२ औं मिनेटमा फेरी गरे र बार्सिलोनालाई २-१ को अग्रता दिलाए। बार्सिलोनाको सो अग्रतालाई ४५ औँ मिनेटमा पाब्लो डी ब्लासिसले एइबरका लागि गोल गर्दै पुनः बराबरी गरे।
दोश्रो हाफमा कुनै गोल हुनसकेन र खेल बराबरीमा सकियो।