नेपाल बिहीबार चाइनिज ताइपेइसँग बराबरीमा रोकिएको छ।
मैत्रीपूर्ण खेलमा नेपाल र चाइनिज ताइपेइ एक एक गोलको बराबरीमा रोकिएका हुन्।
सो खेलमा पहिलो अग्रता भने चाइनिज ताइपेइले लिएको थियो। खेलको ४० औं मिनेटमा चुङचिङले घरेलु मैदानमा गोल गरेका थिए।
नेपालले भने बराबरी गोल खेलको ६९ औं मिनेटमा फ्रकाएको थियो। नेपालका लागि सोप बराबरी गोल अभिषेक रिजालले गरेका हुन्।
नेपालले खेलेका पछिल्ला सात खेलमा कुनेमा पनि जित हासिल गर्न सकेको छैन। ७ खेलमा नेपालले पाँचमा हार तथा दुईमा बराबरीको नतिजा निकालेको छ।
नेपालले अन्तिम पटक गत सेप्टेम्बरमा बंगलादेशलाई २–० ले हराएको थियो। त्यस यता हिजोको खेलमा नै उसले पहिलो अन्तर्राष्ट्रिय गोल गरेको हो।
यसैसाता मलेसियाले मैत्रिपूर्ण खेलमा नेपाललाई २–० गोलले पराजित गरेको थियो।
