कोपा अमेरिका फुटबल प्रतियोगितामा आयोजक ब्राजिल दोस्रो खेलमा बराबरीमा रोकिएको छ। ब्राजिललाई बुधबार विहान भएको खेलमा भेनेजुएलाले गोलरहित बराबरीमा रोकेको हो।
खेलमा ६९ प्रतिशत बल नियन्त्रणमा लिए पनि ब्राजिल फिनिसिङमा पटक पटक चुकेको थियो। ब्राजिलले १२ पटक गोलका लागि प्रयास गरे पनि एक पटक मात्र पोस्टमा प्रहार गर्न सक्यो।
ब्राजिल समूह ‘ए’ मा २ खेलबाट ४ अंक जोड्दै शीर्ष स्थानमा छ। यसअघि ब्राजिलले बोलिभियालाई पराजित गरेको थियो। दोस्रो स्थानको पेरुको पनि ४ अंक नै छ। अब समूह चरणको अन्तिम खेलमा ब्राजिल र पेरुबीच खेल हुनेछ।
प्रतियोगिताअन्तर्गत बिहीबार विहान सवा ३ बजे कोलम्बिया र कतार तथा सवा ६ बजे अर्जेन्टिना र पाराग्वेबीच खेल हुनेछ।
