इटालियन क्लब एसी मिलानलाई युरोपा लिग खेल प्रतिबन्ध लगाइएको छ।
युरोपियन फुटबल महासंघ (युइएफए) ले आर्थिक अनुशासन तोडेको भन्दै आगामी सिजनको युरोपा लिग खेल्न प्रतिबन्ध लगाएको हो।
सिजनमा पाँचौ स्थानमा रहेर इटालियन सिरि ए टुंग्याएको मिलानको स्थानमा अब छैटौं भएको एएस रोमाले खेल्नेछ। रोमाले युरोपा लिग खेल्ने भएपछि सातौं भएको टोरिनोले युरोपा लिगको छनोट खेल्न पाउनेछ।
सात पटकको युरोपियन च्याम्पियन मिलान सिजनमा घरेलु प्रतिद्वन्द्वी इन्टर मिलान भन्दा १ अंकले पछि पर्दा च्याम्पियन्स लिगको छनोट गुमाएको थियो।
यसअघि मिलानमाथि युइएफले सन् २०१५ र २०१७ बीचमा आर्थिक रुपमा अपारदर्शि भएको भन्दै प्रतिबन्ध लगाउने निर्णय गरेको थियो।
लगत्तै मिलानले कोर्ट अफ अर्बिट्रेसन फर स्पोर्ट्समा अपिल गरेको थियो। गत सिजन प्रतिबन्धबाट बचेको मिलानलाई आगामी सिजन भने प्रतिबन्ध लगाउन आदेश दिइएको छ।
