फ्रान्क लाम्पार्ड चेल्सीको प्रशिक्षक नियुक्त भएका छन्। इंग्लिस क्लब चेल्सीले आफ्ना पूर्व मिडफिल्डर लाम्पार्डसँग तीन वर्षको सम्झौता गरेको छ।
४१ वर्षीय लाम्पार्डले चेल्सीमा आउनका लागि दोस्रो डिभिजनको क्लब डर्बीको प्रशिक्षक पद त्यागेका थिए। डर्बीले सिजनमा एस्टन भिल्लाविरुद्धको प्लेअफ गुमाउदा प्रिमियर लिगमा पुग्ने मौका गुमाएको थियो।
चेल्सीबाट १३ सिजन फुटबल खेलेका लाम्पार्डले अब माउरिजियो सारीको स्थान लिनेछन्। सारी चेल्सीबाट इटालियन च्याम्पियन युभेन्ट्समा आबद्ध भएका थिए।
इंग्लिस राष्ट्रिय टिमका पूर्वखेलाडी लाम्पार्डले चेल्सीबाट ६४८ खेल खेलेर ११ वटा मुख्य उपाधि जितेका थिए।
चेल्सीमा प्रशिक्षकको रुपमा फर्कन पाउदा गर्व महसुस भएको लाम्पार्डले प्रतिक्रिया दिएका छन्।
उनी सन् २००१ मा वेस्ट ह्यामबाट चेल्सीमा आवद्ध भएका थिए। त्यसपछि उनले चेल्सीबाट युरोपियन च्याम्पियन लिग र युरोपा लिग जिते। यस्तै उनीले तीन पटक प्रिमियर लिग, चार पटक एफए कप र दुई पटक लिग कपको उपाधि उचालेका थिए।
