आइतबार राति भएको मैत्रीपूर्ण खेलमा स्पेनिस च्याम्पियन बार्सिलोनाले इंग्लिस क्लब आर्सनललाई पराजित गरेको छ।
बार्सिलोनाको घरेलु मैदानमा भएको खेलमा लुइस सुआरेजले निर्णायक गोल गरेका थिए। उनले खेलको अन्तिम मिनेटमा गोल गरेपछि बार्सिलोनाले २-१ को जित निकाल्न सफल भयो।
त्यसअघि खेलको ३६ मिनेटमा पियरी इमेरिक आयुबामेयाङले गोल गरेर आर्सनललाई पहिले अग्रता दिलाए।
६९ मिनेटमा आर्सनलकै मेटल्यान्ड निल्सले आत्मघाती गोल गरेपछि खेल बराबरीमा आएको थियो।
खेलमा एन्टोनी ग्रिजम्यानले बार्सिलोनामा आबद्ध भएपछि पहिलो पटक घरेलु मैदानमा खेल्ने मौका पाए।
आगामी सातादेखि सुरु हुने इंग्लिस प्रिमियर लिगमा आर्सनलले आइतबार हुने पहिलो खेलमा न्युकासलसँग खेल्दैछ।