शुक्रबार रातिदेखि सुरु भएको फ्रेन्च लिग वानको उद्घाटन खेलमा लियोनले विजयी सुरूवात गरेको छ।
मोनाकोलाई ३–० ले पराजित गर्दै लियोनले विजयी सुरूवात गरेको हो। लियोनको जितमा मोउसा डेम्बेले, मेम्फिस डिपेयी र लुकास तोउसार्टले गोल गरे ।
लियोनले खेलको पाँचौँ मिनेटमा पेम्बेलेको गोलबाट अग्रता लिएको थियो। त्यसपछि लियोनका लागि ३६ औँ मिनेटमा डिपेयी र ८० औँ मिनेटमा तोउसार्टले गोल गरे।
सो खेलमा मोनाकोका फाब्रिगासले रातो कार्ड पाए । उनले खेलको ३० औँ मिनेटमा रातो कार्ड पाएका हुन् ।
लिओ दुबोइससँगको ट्याकलका लागि रेफ्रीले सुरुमा फाब्रिगासलाई पहेँलो कार्ड देखाएका थिए तर भिएआर मार्फत रिप्ले हेरेपछि उनलाई निर्णय परिवर्तन गर्दै रातो कार्ड दिइएको थियो।