साफ यु–१५ च्याम्पियनसिपको पहिलो खेलमा नेपालमाथि भारतले फराकिलो जित निकालेको छ।
कोलकाताको कल्याणीमा भएको खेलमा नेपाललाई भारतले ५–० गोलले पराजित गरेको हो।
खेलको पाँचौ मिनेटमा महेसनले गोल गरेर भारतलाई सुरुवाती अग्रता दिलाए।
२४ मिनेटमा महेसनको पासमा शुभ पाउलले भारतको अग्रता दोब्बर पारे।
४३ मिनेटमा भारतीय कप्तान अनिश मजुम्दारले टिमका लागि तेस्रो गोल गरे।
टाइसन सिंहले ४९ मिनेटमा चौथो गोल गर्दा भारत फराकिलो जिततर्फ अघि बढेको थियो।
सिद्धार्थले ५६ मिनेटमा भारतका लागि अर्को गोल गरे।
अब नेपालले शुक्रबार श्रीलंकासँग खेल्नेछ। यस्तै नेपालले बंगलादेशसँग अगस्ट २७ र भुटानसँग अगस्ट २९ सँग प्रतिस्पर्धा गर्नेछ।
समूहका शीर्ष २ टिमबीच आगामी अगस्ट ३१ उपाधिका लागि भिडन्त हुनेछ।
