लिभरपुलले आर्सनलमाथि ३-१ को जित निकालेको छ।
शनिबार राति भएको खेलमा लिभरपुलको जितमा मोहम्मद सलाहले दुई गोल गरे भने जोएल माटिपले एक गोल गरे।
जारी सिजनमा लिभिरपुलको यो तेश्रो जित हो।
यस खेलमा लिभरपुलले खेलको ४१ औं मिनेटमा गोल गर्दै अग्रता लिएको थियो। सो गोल माटिपले गरेका हुन्।
त्यसैगरी खेलको दोश्रो हाफमा लिभरपुलले पेनाल्टीमार्फत गोल गर्दै आफ्नो अग्रतालाई दोब्बर पारेको थियो।
आर्सनलका डिफेन्डर डेभिड लुइजले सलाहलाई लडाएपछि प्राप्त पेनाल्टीबाट सलाह गोल गरेका थिए । त्यसपछि खेलको ५८ औं मिनेटमा पनि सलाह अर्को गोल गरे र लिभरपुललाई ३-० मा पुर्याए।
३-० ले पछि परेको आर्सनलले ८५ औं मिनेटमा एक गोल फर्कायो। लुकास टोरेराले गरेको यस गोलले आर्सनललाई खेलमा फर्काउन सकेन।
