इटालियन सिरी ‘ए’ फुटबलमा इन्टर मिलानले लिसीमाथि ४-० को फराकिलो जित दर्ता गरेको छ ।
इन्टर मिलानको जितमा रामेलु लुकाकु, मार्सेलो ब्रोजोविक, स्टेफानो सेनसी तथा एन्टोनियो क्यानड्रेवाले गोल गरेका थिए ।
खेलको २१ औं मिनेटमा गोल गर्दै ब्रोजोविकले टोलीलाई पहिलो अग्रता दिलाएका थिए। त्यसपछि खेलको २४ औं मिनेटमा सेनसीले दोश्रो गोल गर्दै पहिलो हाफको समाप्तीमा २-० को अग्रता कायम गरे।
खेलको दोश्रो हाफमा हाले इङ्लिश क्लब म्यानचेस्टर युनाइटेडबाट इन्टर मिलान आएका लुकाकुले ६० औँ मिनेटमा गोल गरे।
त्यसपछि खेलको ८४ औं मिनेटमा १० खेलाडीमा सिमित भएको लिसीविरूद्ध क्यानड्रेभाले गोल गरे र खेल इन्टर मिलानले ४-० को फराकिलो जितले आफ्नो पक्षमा पार्यो।
लिसीका फारिएस ७६ औं मिनेटमा सिधैं रातो कार्ड खाएर मैदानबाट बाहिरिनु परेको थियो।
