लिभरपुलका डिफेन्डर भर्जिल भान डिजेक तथा लियोनकी लुसी ब्रोन्ज युइएफए वर्ष खेलाडी घोषित भएका छन्।
युरोपियन फुटबलको प्रशासकिय निकाए युएफएले हरेक वर्ष उत्कृष्ट पुरूष फुटबल खेलाडीलाई प्रदान गर्ने अवार्ड डिजेकले क्रिष्चियानो रोनाल्डो ततथा लियोनेल मेसीलाई पछाडि पार्दै सो अवार्ड जितेका हुन्।
च्याम्पियन्स लिग फुटबलको फाइनलमा टोटनहमलाई पराजित गर्दै लिभरपुललाई २-० ले विजयी गराउन महत्वपूर्ण भूमिका खेलेका थिए।
२८ वर्षका भान डिजेक युइएफए वर्ष फुटबलरको अवार्ड जित्ने पहिलो डिफेन्डर बनेका हुन् ।
‘यो अवार्ड पाउँदा अति नै गर्वको महसुस भएको छ । यसका लागि सहयोग गर्ने सबैलाई धन्यबाद दिन चाहन्छु’, अवार्ड जितेपछि डिजेकले भने।
सन् २०१०–११ मा सुरु भए यता रोनाल्डो र मेस्सीले समग्रमा पाँच पटक जितेका छन् ।
यसैगरी वर्ष महिला खेलाडीतर्फको अवार्ड इंग्ल्याण्डकी लुसी ब्रोन्जले जितेकी छन् । लियोनबाट व्यवसायिक फुटबल खेल्दै आएकी ब्रोन्जले सोही क्लबकी एडा हेगबर्ग र एमन्डिन हेनरीलाई पछि पार्दै अवार्ड जितेकी हुन् ।
उनी यो अवार्ड जित्ने पहिलो इंग्लिस खेलाडी हुन् । युरोपका शीर्ष महिला टिमका प्रशिक्षक तथा खेल पत्रकारको मतका आधारमा अवार्ड प्रदान गरिन्छ ।
