स्पेनिस ला लिगा फुटबल अन्तर्गत शनिबार भएको खेलमा बार्सिलोना ओसासुनासँग २-२ को बराबरीमा रोकिएको छ।
शनिबार भएको खेलमा ओसासुनाले घरेलु मैदानमा पहिलो अग्रता लियो। उसले ७ औ मिनेटमा रोबर्टो टोरेसको गोलमा अग्रता लिएको थियो।
त्यसपछि बार्सिलोनाले बराबरीका लागि दोश्रो हाफको ५१ औं मिनेटसम्म कुर्नुपर्यो। १६ वर्षिय अन्सु फातीले टोलीका लागि गोल गरे। योसँगै फाती ला लिगामा बार्सिलोनाका लागि सर्वाधिक कम उमेर गोल गर्ने खेलाडी बने।
फातीको गोलमा बराबरी भएको खेलमा वैकल्पिक खेलाडीका रूपमा मैदान छिरेका आर्थरले ६४ औं मिनेटमा दोश्रो गोल गर्दै बार्सिलोनालाई २-१ को अग्रता दिलाए।
त्यसपछि ८१ औं मिनेटमा टेरेसले गोल फर्काएपछि बार्सिलोना बराबरीको नतिजामा चित्त बुझाउन बाध्य भयो।
हिजोको खेलमा बार्सिलोना कप्तान लियोनेल मेसी, लुइस सुआरेज र ओस्मान डेम्बेलेबिना मैदानमा उत्रेको थियो।