आगामी मंसिरमा हुने दक्षिण एसियाली खेलकुद (साग) का लागि यु-२३ पुरुष फुटबल टिमको दोस्रो चरणको टिम घोषणा गरिएको छ। दोस्रो चरणको टिममा ३२ जना खेलाडी अटाउन सफल भएका छन्।
यसअघि यु-२३ टिमका प्रशिक्षक बालगोपाल महर्जनले प्रारम्भिक टिममा ४५ जना खेलाडी समावेश गरेका थिए।
टिममा पाँच जना सिनियर समावेश छन्। गोलकिपर किरण चेमजोङ, डिफेन्डरमा रोहित चन्द, मिडफिल्डरद्वय विक्रम लामा र सुजल श्रेष्ठ तथा फरवार्ड नवयुग श्रेष्ठ पनि टिममा छन्।
सागमा ३ जना मात्र सिनियर खेलाडी टिममा राख्न पाइनेछ।
सिनियर टिममा रहेका यु–२३ खेलाडीले भने सिनियर टिमकै प्रशिक्षण गर्ने एन्फाले जनाएको छ।
प्रारम्भिक टिम
गोलकिपर– किरण चेमजोङ, रोमन रसाइली, अर्पण कार्की, दिप कार्की, देव लिम्बु
डिफेन्डर– रोहित चन्द, अनन्त तामाङ, दिनेश राजवंशी, विकास खवास, छिरिङ गुरुङ, रोमन लिम्बु, सुमन आर्याल, विक्रम लामा, रामचन्द्र वाजी, असिम भुषाल, मिक्छेन तामाङ
मिडफिल्डर– हेमन्त थापा मगर, सेसेहाङ आङ्देम्बे, नितिन थापा, तेज तामाङ, अरिक विष्ट, सुजल श्रेष्ठ, दिपेश आलेमगर, अन्जन विष्ट, सुनिल बल
फरवार्ड- विमल घर्तीमगर, नवयुग श्रेष्ठ, अभिषेक रिजाल, प्रिजेन तामाङ, रेजिन सुब्बा, राजिव लोप्चन