अन्तिम मिनेटमा गोल फर्काउँदै एथलेटिको मड्रिडले च्याम्पियन्स लिग फुटबलमा युभेन्टससँग २-२ को बराबरी गरेको छ।
समूह डी अन्तर्गत बुधबार राति भएको खेलमा एथ्लेटिकोले युभेन्टसले लिएको २-० को अग्रतालाई बराबरी गरेको हो।
यस खेलमा दुबै टोलीले पहिलो हाफ गोलरहित बराबरी खेलेका थिए।
त्यसपछि दोश्रो हाफमा युभेन्टसले ४८ तथा ६५ औं मिनेटमा गोल गर्दै २-० को अग्रता लिएको थियो।
युभेन्टसको सो अग्रतालाई एथ्लेटिकोले ७० तथा ९० औं मिनेटमा गोल फर्काउँदै बराबरी गर्यो।
युभेन्टसका लागि ती गोल क्रमशः ख्वान क्वाड्राडो तथा ब्लेज माटुइडीले गरे भने एथ्लेटिकोका लागि स्तेफान साविक र हेक्टर हरेराले गोल गरेका थिए।
हिजोको खेलमा रोनाल्डोले गोल गर्न सकेनन् ।
