पहिलो हाफमा मै १० खेलाडीमा सिमित हुन पुगेको आर्सनलले एस्टन भिल्लामाथि ३-२ को रोमाञ्चक जित हासिल गरेको छ।
खेलको ४१ औं मिनेटमा माइट्ल्याण्ड–निल्स दोहोरो पहेंलो कार्ड खाँदै मैदान बाहिरिएका थिए।
१० खेलाडीमा सिमित हुनुअघि आर्सनलले खेलको २० औं मिनेटमा गोल खाएको थियो। जोन म्याकजिनको गोलमा एस्टन भिल्लाले अग्रता लिएको थियो।
पहिलो हाफमा १-० ले पछि परेको आर्सनल दोश्रो हाफबाट खेलमा फर्कियो। खेलको ५९ औं मिनेटमा पेनाल्टीमार्फत गोल फर्काउँदै उसले बराबरी गरेको थियो।
उसका लागि सो गोल निकोलास पेपेले गरे। तर आर्सनलको बराबरी १ मिनेट पनि टिक्न सकेन। लगत्तै एस्टान भिल्लाका लागि वेस्लीले गोल गरे र आफ्नो टोलीलाई पुनः अग्रता दिलाए।
त्यसपछि ८१ औँ मिनेटमा आर्सनलले पुनः बराबरी गोल फर्कायो।
क्यालम च्याम्बरको गोलमा बराबरीमा फर्केको आर्सनलले त्यसपछि खेलको ८४ औं मिनेटमा गोल गर्यो नतिजा ३-२ ले आफ्नो पक्षमा पार्न सफल भयो। सो गोल पिएरे हेनरिक औवामियाङले गरेका थिए।
जितसँगै ६ खेलबाट ११ अंक जोड्दै आर्सनल चौथो स्थानमा उक्लिएको छ । चार अंक जोडेको एस्टन भिल्ला १८ औँ स्थानमा छ ।
