इंग्लिस इएफएल कपमा टोटनह्याम तेस्रो चरणबाटै बाहिरिएको छ।
मंगलबार भएको खेलमा टोटनह्यामलाई चौथो श्रेणीको क्लब कोलचेस्टर युनाइटेडले पेनाल्टी सुटआउटमा ४-३ गोलले पराजित गरेको हो।
निर्धारित समयमा दुवै टिमले गोलरहित बराबरी खेलेका थिए। पेनाल्टी सुटआउटमा टोटह्यामका क्रिस्टियन इरिक्सन र लुकास माउराको पेनाल्टी प्रहार सफल हुन सकेन।
इरिक्सनको प्रहरलाई कोलचेस्टरका गोलकिपर डिन गेर्केनले विफल पार्दा माउराको प्रहार बारमा लागेको थियो।
प्रतियोगितको अन्य खेलमा म्यानचेस्टर सिटीले प्रेस्टनलाई ३-०, आर्सनलले नोटम फरेस्टलाई ५-०, वाटफोर्डले स्वान्सीलाई २-१,साउथह्यम्टनले पोर्टमाउथलाई ४-० र इभर्टनले सेफिल्डलाई २-० ले पराजित गरेका छन्।
