युरोपियन च्याम्पियन्स लिगमा इंग्लिस क्लब म्यानचेस्टर सिटी र इटालियन क्लब युभेन्ट्सले सहज जित हात पारेका छन्।
युभेन्ट्सले समूह 'डी' को खेलमा जर्मन क्लब वायर लुभरकुजेनलाई ३-० गोलले पराजित गर्यो। युभेन्ट्सको जितमा गोन्जालो हिग्युइनले १७, बेर्नारडेचीले ६१ र क्रिस्टियानो रोनाल्डोले ८८ मिनेटमा गोल गरे।
समूह 'डी' कै अर्को खेलमा स्पेनिस क्लब एट्लेटिको म्याड्रिडले लोकोभोटि मस्कोमाथि २-० को जित हात पारेको छ।
यस्तै समूह 'सी' को खेलमा इंग्लिस क्लब म्यानचेस्टर सिटीले डाइनाभो जग्रेभलाई २-० गोलले पराजित गरेको छ। सिटीका लागि स्टर्लिङले ६६ मिनेट र फोडेनले इन्जुरी टाइमको पाँचौ मिनेटमा गोल गरे।
यता समूह 'ए' को खेलमा फ्रेन्च क्लब पिएसजीले टर्किस क्लब गालतासारेलाई १-० गोलले पराजित गरेको छ। पिएसजीको जितमा इकार्डीले ५२ मिनेटमा गोल गरेका थिए।
यहि समूहको खेलमा पूर्व च्याम्पियन रियल म्याड्रिडले २-० ले पछि परेको स्थिति उल्टाउँदै क्लब ब्रुग्ससँग २-२ को बराबरी खेलेको छ। ब्रुग्सका लागि डेनिसले ९ र ३९ मिनेटमा गोल गरेका थिए। तर रियलका लागि सर्जियो रामोसले ५५ र कासिमिरेले ८५ मिनेटमा गोल गर्दै टिमको हार टारे।
