म्यानचेस्टर सिटी घरेलु मैदानमा २-० गोलले स्तब्ध भएको छ।
इङ्लिश प्रिमियर लिग अन्तरगत आइतबार सम्पन्न खेलमा म्यानचेस्टर सिटीलाई उलभरह्याम्टन वान्डर्सले २-० ले स्तब्ध पारेको हो।
पहिलो हाफ गोल रहित बनेको खेलमा वान्ड्रसले खेलको ८० औं मिनेटमा सिटी विरूद्ध अग्रता लिएको थियो। सो गोल अडामा टाउरेले गरेका थिए।
त्यसपछि उसले अतिरक्त समयको चौथो मिनेटमा पुनः एक गोल गर्यो र सिटीलाई घरेलु मैदानमा स्तब्ध पार्यो। दोश्रो गोल पनि टाउरेले नै गरेका हुन्।
हारसँगै सिटीले शीर्षस्थानमा रहेको लिभरपुलसँगको अंकको दुरी घटाउने अवसर गुमाएको छ। सिटीले १६ अंक जोडेको छ भने लिभरपुलको २४ अंक छ।