फिफा विश्वकप २०२२ र एएफसी एसियन कप २०१३ को छनोट प्रतियोगिता अन्तर्गत अस्ट्रेलियाविरुद्धको खेलको पहिलो हाफमा नेपाल ३–० गोल ले पछि परेको छ।
क्यानबेरामा भइरहेको खेलमा घरेलु टिम अस्ट्रेलियाका लागि म्याक्लेरेनले २ गोल गरेका छन्। उनले छैटौं र १९ मिनेटमा गोल गरे। यस्तै ह्यारी साउटरले खेलको २३ मिनेटमा अर्को गोल थपे।
नेपालले पूर्व एसियन च्याम्पियन अस्ट्रेलियासँग पहिलो पटक प्रतिस्पर्धा गरेको हो। फिफा वरीयतामा ११७ स्थान माथि रहेको अस्ट्रेलियाविरुद्ध खेल्नु नेपालका लागि कठिन चुनौती हो। फिफा वरीयतामा नेपाल १६१ र अस्ट्रेलिया ४४ स्थानमा छन्।
समूहमा पहिलो खेलमा कुवेतसँग ७-० गोलले पराजित भएको नेपालले दोस्रो खेलमा चाइनिज ताइपेईलाई उसैको घरेलु मैदानमा २-० गोलले पराजित गरेर महत्वपूर्ण ३ अंक जोडेको थियो।
अस्ट्रेलियासँग खेलेपछि नेपालले असोज २८ मा जोर्डनविरुद्ध उसैको घरेलु मैदानमा खेल्नेछ।
समूह 'बी' को अंक तालिकामा २ खेलबाट ३ अंक जोडेको कुवेत पहिलो स्थान, १ खेलबाट ३ अंक जोडेको अस्ट्रेलिया दोस्रो स्थानमा, १ खेलबाट ३ अंक जोडेको जोर्डन तेस्रो स्थानमा र २ खेलबाट ३ अंक जोडेको नेपाल चौथो स्थानमा छन्। सुरुवाती दुवै खेल गुमाएको ताइपेई पुछारमा छ।