फिफा विश्वकप २०२२ र एएफसी एसियन कप २०१३ को छनोट प्रतियोगिताको 'म्याचडे ३' मा बलिया टिमले गोलको वर्षा गरेका छन्।
बिहीबार भएका छनोटका १६ खेलमा ७४ गोल भएको छ। औषतमा एक खेलमा चार भन्दा बढी गोल भएको छ।
सबैभन्दा फराकिलो जित समूह 'सी' मा इरानले निकालेको छ। इरानले कम्बोडियालाई घरेलु मैदानमा १४–० को भारी अन्तरले पराजित गरेको छ।
यसैगरी समूह 'ए' मा चीनाले गुवाममाथि ७–० को जित हात पारेको छ। समूह 'एफ' जापानले मंगोलियालाई ६–० र किर्गिस्तानले म्यानमारलाई ७–० को फराकिलो अन्तरले पराजित गरेका छन्।
दक्षिण कोरियाले अर्को फराकिलो जित निकाल्ने क्रममा समूह 'एच' को खेलमा श्रीलंकामाथि ८–० को जित पारेको छ।
दक्षिण एसियाका सबै टिम पराजित भएका छन्। समूह 'ए' मा माल्दिभ्समाथि सिरियाले २–१, समूह 'बी' मा नेपालमाथि अस्ट्रेलियाले ५–०, समूह 'ई' मा बंगलादेशमाथि कतारले २–० र समूह 'एच' मा श्रीलंकामाथि दक्षिण कोरियाले ८–० को जित हात पारेका छन्।
एसिया छनोट नतिजा
समूह ए
सिरिया २–१ माल्दिभ्स
चीन ७–० गुवाम
समूह बी
अस्ट्रेलिया ५–० नेपाल
जोर्डन ०–० कुवेत
समूह सी
इरान १४-० कम्बोडिया
इराक २–० हङकङ
समूह डी
साउदी अरेबिया ३–० सिंगापुर
उज्वेकिस्तान ५–० यमन
समूह ई
ओमान ३–० अफगानिस्तान
बंगलादेश ०–२ कतार
समूह एफ
जापान ६–० मंगोलिया
किर्गिस्तान ७–० म्यानमार
समूह जी
युएई ५–० इन्डोनेसिया
भियतनाम १–० मलेसिया
समूह एच
लेवनान २–१ तुर्केमिनिस्तान
दक्षिण कोरिया ८–० श्रीलंका
