युरोपकप-२०२० छनौटमा शनिबार भएको खेलमा स्पेन नर्वेसँग १-१ को बराबरीमा रोकिएपनि कप्तान सर्जियो रामोसले कीर्तिमान बनाएका छन्।
उनले राष्ट्रिय टोलीका लागि सर्वाधिक खेल खेल्ने युरोपेली खेलाडीको कीर्तिमान बनाएका हुन्।
स्पेनका तर्फबाट सर्वाधिक खेलमा सहभागी हुने कीर्तिमान आफ्नो नाममा लेखाइसकेका रामोसले १६८ खेल खेल्दै यो कीर्तिमान आफ्नो नाममा पारेका हुन्। यसअघि यो कीर्तिमान लातभियाका इकर कासिलासको नाममा थियो।
शनिबार सम्पन्न खेलमा पहिलो हाफ दुबै टोलीले गोलरहित बराबरी खेले पनि दोश्रो हाफ स्पेनले अग्रता कायम गर्यो।
४७ औं मिनेटमा शाउल निगेजले गोल गर्दै स्पेनलाई अग्रता दिलाएका थिए तर अतिरिक्त समयको चौथो मिनेटमा सो अग्रतालाई नर्वेले बराबरी गर्यो।
जस किङ्गले पेनाल्टीलाई गोलमा परिणत गरेपछि स्पेनले अन्तिम समयमा जित गुमायो।
