स्पेनिस महारथी क्लब बार्सिलोनाका फरवार्ड लिओनल मेसीले छैटौंपटक युइएफए गोल्डेन बुट जितेका छन्।
ला लिगामा गत सिजन सर्वाधिक गोल गरेका मेसीलाई बुधबार गोल्डेन बुट प्रदान गरिएको हो। उनले गत सिजनमा ३६ गोल गरेका थिए।
यो युरोपका लिगमा गत सिजनको व्यक्तिग सर्वाधिक गोल हो।
लगातार तेस्रो पटक बुट जितेका उनले फ्रेन्च क्लब पिएसजीका फरवार्ड केलियन एमबाप्पेलाई ३ गोलले पारेका थिए।
मेसीले यसअघि २०१८ र २०१७ मा पनि गोल्डेन बुट जितेका थिए। गत सिजन ३४ गोल गरेका उनले दुई वर्षअघि ३७ गोल गरेका थिए।
उनले २०१० र २०१२ मा पनि गोल्डेन बुट हात पारेका थिए।