नेपाली राष्ट्रिय फुटबल टिमले म्यानमारसँग अन्तर्राष्ट्रिय मैत्रीपूर्ण खेल खेल्ने भएको छ।
नेपालले आगामी कात्तिक २१ गते म्यानमारसँग मैत्रीपूर्ण खेल खेल्ने भएको हो। खेल म्यानमारको मान्डालेमा हुने अखिल नेपाल फुटबल संघ (एन्फा) ले जनाएको छ।
नेपालले फिफा विश्वकप कतार २०२२ र एएफसी एसियन कप चीन २०२३ छनोट प्रतियोगिताको तयारी गर्न म्यानमारसँग खेल्न लागेको हो।
प्रतियोगिताको समूह 'बी' मा रहेको नेपालले चार वटै अवे खेल खेलिसकेको छ। कुवेत, अस्ट्रेलिया र जोर्डनसँग पराजित नेपालले चाइनिज ताइपेईलाई हराएको थियो।
नेपालले पहिलो अवे खेल आगामी मंसिर ३ गते दशरथ रंगशालामा कुवेतविरुद्ध खेल्दैछ।
यता नेपालले इंग्ल्यान्डको 'सी' टिमसँग आगामी मे २५ मा मैत्रीपूर्ण खेल खेल्ने एन्फाले जनाएको छ। खेल एल्डरसट टाउन फुटबल क्लबको मैदानमा दिउँसो तीन बजे हुने एन्फाले जनाएको छ।
मैत्रीपूर्ण खेल इंग्ल्यान्डका राष्ट्रिय लिग प्रणालीको प्रमुख लाउरेन्स जोन्सको पहलमा हुने भएको हो।
