अखिल नेपाल फुटबल संघ (एन्फा) का पूर्वअध्यक्ष तथा एसियाली फुटबल महासंघ (एएफसी) का पूर्व उपाध्यक्ष गणेश थापाको आत्मकथा आउने भएको छ।
'गणेश थापा' आत्मकथालाई बुक हिलले प्रकासनमा ल्याउन लागेको हो। आत्मकथा आगामी फागुनमा आउने बताइएको छ।
खेल जीवनदेखि एन्फामा हुँदासम्मको राम्रा–नराम्रा पक्ष इमान्दारीतापूर्वक लेख्ने प्रयास गरेको थापाले आइतबार आवरण सार्वजनिक गर्न आयोजित कार्यक्रममा बताए।
साथैं उनले लेखा समिति, अख्तियार दुरुपयोय अनुसन्धान आयोग लगायतको छानविनको वास्तविक पक्ष पनि बाहिर ल्याउने बताए।
उनले आफूले ३५ वर्ष योगदान दिँदा पनि अन्तिममा चरित्र हत्या गरिएको समेत बताए।
'मेरो मृत्यु पश्चात गणेश थापा महान् हुनुहुन्थ्यो। राम्रो हुनुहुन्थ्यो लेख्नु भयो भनेर कसैले मिडियामा नआओस्। किनकी मेरो आत्माले माफ गर्ने छैन,' थापाले झुटा आरोप लगाएर आफ्नो अपमान भएको बताउँदै भने, 'मेरो मृत्यु पश्चात मेरो लास राष्ट्रिय खेलकुद परिषद र अखिल नेपाल फुटबल संघमा राखेर दुनिया हसाँउने काम नगरियोस्।'