बार्यन म्यूनिखका स्टार खेलाडी रोबर्ट लेवान्डोस्कीले च्याम्पियन्स लिग फुटबलमा सर्वाधिक छिटो चार गोल गर्ने खेलाडीको कीर्तिमान बनाएका छन्।
समूह 'बि' अन्तरगत मंगलबार भएको खेलमा रेड स्टार बेलग्राडलाई म्यूनिखले ६-० ले पराजित गर्दा लेवान्डोस्कीले ४ गोल गर्दै कीर्तिमान बनाएका हुन्।
उनले १४ मिनेट ३१ सेकेन्डको अवधिमा ४ गोल गरेका थिए। कीर्तिमान बनाउने क्रममा लेवान्डोस्कीले खेलको ५३, ६०,६४ तथा ६७ औं मिनेटमा गोल गरे। उनले पहिलो गोल पेनाल्टी मार्फत गरेका थिए।
त्यसअघि खेलको १४ औं मिनेटमा गोरेट्ज्काले गोल गर्दै टोलीलाई सुरूवाती अग्रता दिलाएका थिए। यस्तै टोलीका लागि छैटौं गोल भने तोलिसोले ८९ औं मिनेटमा गरे।
जितसँगै समूह विजेताको रूपमा बार्यन म्यूनिख अन्तिम १६ मा पुगेको छ।