इन्टर मिलानले स्लाभिया प्रागलाई च्याम्पियन्स लिगमा ३-१ ले पराजित गरेको छ।
समूह 'एफ' अन्तरगत भएको खेलमा मिलानले चेक रिपब्लिक क्लब स्लाभियालाई पराजित गरेको हो। जितसँगै मिलानको नकआउट चरण प्रवेश गर्ने सम्भावना कायमै गरेको छ।
जितसँगै मिलान आफ्नो समूहको दोश्रो स्थानमा छ। समान अंक ७ अंक भएको स्लाभियालइ गोलअन्तरले पछि पार्दै मिलान दोश्रो स्थानमा पुगेको हो।
अब नकआउट चरण प्रवेशका लागि मिलानले बार्सिलोनालाई पराजित गरेमा वा बराबरीमा रोकेमा वा वा अर्को खेलमा डर्टमन्डले पराजित हुनुपर्नेछ।
मिलानको जितमा लोउटारो मार्टिनेजले दुई तथा रोमेलु लुकाकुले एक गोल गरेका थिए।
बुधबार राती खेलको १९ औं मिनेटमा मार्टिनेजको गोलमा मिलानले अग्रता लिएको थियो। उसको सो अग्रतालाई स्लाभियाले खेलको ३७ औं मिनेटमा थोमस सोसिसले गोल गरेपछि बराबरी गरेको थियो। उनले पेनाल्टीमार्फत गोल गरेका हुन्।
त्यसपछि ८१ औं मिनेटमा लुकाकुले गोल गरे र टोलीलाई पुनः अग्रता दिलाए। ८८ औं मिनेममा मार्टिनेजले सो अग्रतालाई ३-१ को अवस्थामा पुर्याएका थिए।
