स्पेनिस क्लब रियल मड्रिडले १८ वर्षिय ब्राजिलियन मिडफिल्डर रेइनर जिससलाई २६ मिलियन पाउण्डमा अनुबन्धन गरेको छ।
उसले जिसससँग ६ वर्षको सम्झौता गरेको छ। रेइनर गत वर्षको जुलाई ३१ मा ब्राजिलियन क्लव फ्लेमेन्गोबाट सिनियर टोलीमा डेब्यू भएका खेलाडी हुन्।
उनी सो गत सिजनमा क्लबले ब्राजिलियन लिग र कोपा लिबेराडोरेस जित्दा टोलीमा थिए।
'उनको अझ ठूलो सफलता र जीवनको नयाँ अध्यायका लागि हाम्रो शुभ-कामना छ', एक वक्तव्यमा फ्लेमेन्गोले भनेको छ।
रेइनर सन् २०१८ मा दुबईमा भएको अण्डर-१६ का सर्वोच्च गोलकर्ता थिए। उनको क्लबले त्यतिबेला फाइनलमा रियल मड्रिडलाई पराजित गरेको थियो।
