१० खेलाडीमा सिमित आर्सनलले चेल्सीलाई बराबरीमा रोकेको छ।
मंगलबार इङ्लिश प्रिमियर लिग अन्तरगत भएको खेलमा अग्रता जोगाउन नसक्दा चेल्सी आर्सनलसँग २-२को बराबरीमा रोकिएको हो।
खेलको २६ औं मिनेटमा डेविड लुइजले सिधैं रातो कार्ड पाएपछि आर्सनल १० खेलाडीमा सिमित हुन पुगेको थियो।
१० खेलाडीमा सिमित आर्सनलविरूद्ध चेल्सीले २८ औं मिनेटमा पेनाल्टीबाट गोल गर्दै अग्रता लिएको थियो। सो गोल जोर्गिन्होले गरेका थिए।
पहिलो हाफ १-० को नतिजामा सकिएको खेलमा आर्सनलका लागि गाब्रिएल मार्तिनेलीले ६३ औँ मिनेटमा गोल फर्काएपछि खेल बराबरीमा पुगेको थियो।
त्यसपछि खेलको ८४ औं मिनेटमा चेल्सीका लागि सेसार अज्पिलिक्वेताले गोल गरे र टोलीलाई पुनः अग्रता दिलाए।
तर सो अग्रतालाई खेलको ८७ औं मिनेटमा हेक्टर बेलेरिनले बराबरी गरिदिए र दुबै टोलीले अंक बाँडे।
बराबरीपछि जारी लिगमा २४ खेलबाट ४० अंक जोडेको चेल्सी चौथो स्थानमा छ भने आर्सनल ३० अंखसहित १० औं स्थानमा छ।
