इङ्लिश प्रिमियर लिग अन्तरगत शनिबार भएको खेलमा लिभरपुल विजयी भएको छ।
जारी लिगमा आफ्नो अपराजित यात्रा कायमै राखेको लिभरपुलले शनिबार नर्विच सिटीमाथि १-० को जित हात पारेको छ।
जितपछि लिभरपुल ३० वर्षपछि लिग उपाधिको थप नजिक पुगेको हो।
लिभरपुलको यस जितमा वैकल्पिक खेलाडीका रुपमा मैदान छिरेका साडियो मानेले खेलको ७८ औं मिनेटमा गोल गर्दै टोलीलाई जित दिलाएका हुन्।
प्रिमियर लिगमा अब १२ खेल बाँकी छन् जसमा पाँच खेलमा जित निकालेको खण्डमा लिभरपुलले ३० वर्षपछि लिग विजेता बन्नेछ।
जितपछि जारी लिगमा लिभरपुलले २६ खेलबाट ७६ अंक जोडेको छ भने दोश्रो स्थानमा रहेको म्यानचेस्टर सिटीसँग उसको अंक दुरी २५ अंक भएको छ।
म्यानचेस्टर सिटीको २५ खेलबाट ५१ अंक छ।