सेल्टा डी भिगोले बराबरीमा रोकिदिएपछि रियल मड्रिडले स्पेनिस ला लिगामा बार्सिलोनासँग ३ अंकको अग्रता कायमै राख्ने अवसर गुमाएको छ।
आइतबार भएको खेलमा सेल्टाले मड्रिडलाई २-२ को बराबरीमा रोकेको हो।
खेलमा पहिलो अग्रता पनि सेल्टाले नै लिएको थियो। खेलको सातौं मिनेटमा स्मोलोभले गोल गर्दे टोलीलाई अग्रता दिलाएका थिए।
सो अग्रतालाई मड्रिडले खेलको दोश्रो हाफमा बराबरी गरेको थियो। खेलको ५२ औं मिनेटमा टोनी क्रसले गोल गर्दै बराबरी गरेका हुन्।
त्यसपछि केलको ६५ औं मिनेटमा सर्जियो रामोसले रियल मड्रिडका लागि गोल गर्दै खेल २-१ को अवस्थामा पुर्याए।
तर रियल मड्रिडको यो अग्रतालाई सेल्टाका मिना लोरेन्जोले खेलको ८५ औं मिनेटमा गोल गर्दै बराबरी गरिदिए।
तयसपछि दुबै टोलीले गोल गर्न सकेनन् र खेल २-२ को बराबरीमा रोकियो।
बराबरीपछि रियल मड्रिड २४ खेलबाट ५३ अंक जोडेर लिगको शीर्ष स्थानमा रहेको छ भने समान खेल खेलको बार्सिलोनाको ५२ अंकसहित लिगको दोश्रो स्थानमा छ।