कोरोनाभाइरसको संक्रमणलाई ध्यानमा राख्दै शनिबार हुने फ्रेन्च लिग वान अन्तरगत पेरिस सेन्ट जर्मेन(पिएसजी) र स्ट्रास्बर्गबीचको खेल स्थगित भएको छ।
फ्रान्समा हालसम्म कोरोनाभाइरसका ६१३ मामिलाहरू पुष्टि भएका छन् भने ९ जनाले ज्यान गुमाइसकेका छन्।
कोरोनाभाइरसलाई ध्यानमा राख्दै फ्रान्समा शीर्ष लिग रोकिएको यो पहिलोपटक हो।
स्थगित खेल कहिले खेलाइने छ भन्ने बारेमा कुनै जानकारी दिइएको छैन।
कोरोनाभाइरसका कारण लिग फुटबलसँगै पेरिस म्याथन र पेरिस–नाइस साइक्लिङ्ग पनि स्थगित भएको छ।
यसैगरी फ्रान्सले कोरोनाको संक्रमण देखिएको देशको उत्तरी र उत्तरी-पूर्वी भागका विद्यालयहरू सोमबारबाट दुई साताका लागि बन्द गर्ने निर्णय पनि गरेको छ।
