लिग उपाधिका लागि रियल मड्रिडसँग निकट प्रतिष्पर्धामा रहेको बार्सिलोना पुनः लिगको शीर्ष स्थानमा उक्लेको छ।
स्पेनिस ला लिगा अन्तरगत शनिबार सम्पन्न खेलमा रियल सोसियाडलाई १-० ले पराजित गर्दै बार्सा लिगको शीर्ष स्थानमा उक्लेको हो।
यस खेलमा जितका लागि बार्साले खेलको ८१ औं मिनेटसम्म कुर्नुपरेको थियो।
८१ औं मिनेटमा टोलीलाई प्राप्त पेनाल्टीलाई मेस्सी गोलमा परिणत गरेपछि खेल बार्साको पक्षमा गएको थियो।
जितपछि २७ खेलबाट ५८ अंकसहित बार्सिलोना लिगको शिर्ष स्थानमा उक्लेको छ।
उसलाई कडा टक्कर दिइरहेको रियल मड्रिडको ५६ अंक छ। उसले बार्सिलोना भन्दा एक खेल कम खेलेको छ।
यसैगरी हिजो नै सम्पन्न अन्य खेलमा एथलेटिको मड्रिड सेभिल्लासँग २-२ को बराबरीमा रोकिँदा गेटाफे र सेल्टा भिगोले गोलरहित बराबरीमा रोकिएका छन्।