इटालियन सिरी ए अन्तरगत आइतबार भएको खेलमा युभेन्टसले इन्टर मिलानलाई पराजित गरेको छ।
संभावित कोरोनाभाइरसको जोखिमलाई ध्यानमा राख्दै बन्द रंगशालाभित्र खेलाइएको खेलमा युभेन्टसले इन्टर मिलानलाई २-० ले पराजित गरेको हो।
युभेन्टसको जितमा आरोन राम्सी र पाउलो डिबालाले गोल गरे।
उनीहरूले क्रमशः खेलको ५४ र ६७ औं मिनेटमा गोल गरेका हुन्।
यसैगरी खेलको ७९ औं मिनेटमा मिलान पाडेलीले रेड कार्ड खाएपछि इन्टर मिलान १० खेलाडीमा सिमित भएको थियो।
जितसँगै युभेन्टस लिगको शिर्ष स्थानमा उक्लेको छ।
२६ खेलबाट ६३ अंक जोड्दै युभेन्टस पहिलो स्थानमा उक्लेको हो। समान खेल खेलको लाजियोले ६२ अंक सहित लिगको दोश्रो स्थानमा छ।
यसैगरी पराजित मिलान २५ खेलबाट ५४ अंकसहित तेश्रो स्तानमा छ।
