च्याम्पियन्स लिग अन्तर्गत पेरिस सेन्ट जर्मेन (पिएसजी)र बोरुसिया डर्टमन्डबीच बुधबार हुने अन्तिम-१६ को खेल बन्द रंगशालामा खेलाइने भएको छ।
कोरनाभाइरसको बढ्दो संक्रमणलाई ध्यानमा राख्दै यी दुईबिचको खेल दर्शकहरूको अनुपस्थितिमा खेलाइन लागिएको हो।
पेरिस प्रहरीले कोरोनाभाइरसको संभावित जोखिमलाई हेर्दै यस्तो गर्ने निर्णय लिएको हो।
पहिलो लेगमा पिएसजी २-१ ले पराजित भएको थियो।
पिएसजीले आफूहरू उपलब्ध परिस्थिति अनुसार खेल्न पूर्णरुपमा तयार रहेको बताएको छ।
विश्व स्वास्थ्य संगठनका अनुसार फ्रान्समा हालसम्म कोरोनाभाइरसका ११ सय १६ केसहरू पुष्टि भएका छन्।
