लिभरपुल च्याम्पियन्स लिगको अन्तिम-१६ मै रोकिएको छ।
एथ्लेटिको मड्रिडसँग समग्रमा ४-२ ले पराजित भएपछि लिभरपुल अन्तिम-१६ मा रोकिनुपरेको हो।
पहिलो लेगमा १-० ले पराजित बनेको लिभरपुललाई बुधबार राति भएको दोश्रो लेगमा स्पेनिस क्लबले ३-२ ले पराजित गरेको हो।
हिजो भएको खेलमा ४३ औं मिनेटमा लिभरपुलका लागि जर्जिनियो विज्नल्डम गोल गरेपछि खेल बराबरीमा पुगेको थियो।
त्यसपछि निर्धारित समयमा थप गोल नभएपछि खेल अतिरिक्त समयमा पुग्यो।
अतिरिक्त समयको चौथो मिनेटमा रोबोर्टो फिर्मिनोले गोल गर्दै लिभरपुललाई अग्रता दिलाए।
त्यसपछि एथ्लेटिको मड्रिडका मार्कस लोरेन्टेले लगातार दुई गोल गरे र लिभरपुललाई दबाबमा ल्याए।
दबाबमा परेको लिभरपुल विरुद्ध अल्भारो मोराटाले गोल गरेपछि एथ्लेटिको मड्रिड समग्रमा ४-२ ले विजयी हुँदै क्वाटरफाइनल प्रवेश गर्यो।