पोर्चुगलका फुटबल स्टार क्रिस्टियानो रोनाल्डो सेल्फ क्वारेन्टिनमा बसेका छन्।
इटालीको युभेन्ट्स क्लबबाट व्यवसायिक फुटबल खेल्ने रोनाल्डो क्लबका एक खेलाडीलाई कोरोना भाइरस देखिएपछि क्वारेन्टिनमा बसेका हुन्।
युभेन्ट्सका डिफेन्डर ड्यानियल रूगानीलाई कोरोना भाइरस देखिएको छ।
आमालाई स्ट्रोक भएपछि रोनाल्डो पोर्चुगल गएका थिए। रूगानीलाई कोरोना देखिएपछि अब उनी पोर्चुगलको आफ्नो घरमै सेल्फ क्वारेन्टिनमा बस्नेछन्।
युभेन्ट्सले आइतबार इटालियन लिगको शीर्ष स्थानका लागि भएको खेलमा इन्टरमिलानलाई खाली रंगशालामा २-० ले हराएको थियो। सो खेलमा रोनाल्डो खेलेका थिए भने रूगानीले म्याच स्क्वाडमा थिए।
इटालीमा कोरोनाको संक्रमण देखिएपछि सो खेल दुई हप्ता सारिएको थियो। त्यसपछि इटालीले देशभरि नै आवातजावतमा रोक लगाएको थियो भने लिग पनि अनिश्चितकालका लागि रोकिएको थियो।