कोरोनाभाइरसको संक्रमण भएका स्पेनिस क्लब रियल म्याड्रिडका पूर्वअध्यक्ष लोरेन्जो सान्जको मृत्यु भएको छ।
अस्पताल भर्ना भएका ७६ वर्षीय सान्जको शनिबार उपचारका क्रममा मृत्यु भएको हो।
सन् १९९५ देखि २००० सम्म क्लबका अध्यक्ष रहदाका बखत क्लबले दुई पटक च्याम्पियन्स लिग जितेको थियो।
उनका छोरा लोरेन्जो सान्ज दुरानले ट्विटरमार्फत आफ्ना पिताको निधनको पुष्टि गरेका हुन्।
सान्जले आफ्नो नेतृत्वमा क्लबमा ब्राजिलका रोबोर्टो कार्लोस, अर्जेन्टिनाका फर्नान्डो रेडोन्डो र डच मिडफिल्डर क्लारेन्स सीडेफलाई भित्र्याएको थियो।
