अखिल नेपाल फुटबल संघ (एन्फा) ले कोरोनाभाइरसको संक्रमणबाट जोगिनका लागि आफ्ना चार वटा फुटबल एकेडेमीलाई आवश्वयक परे क्वारेन्टाइन र आइसोलेसन कक्ष बनाउन दिने भएको छ।
एन्फाका प्रवक्ता किरण राईका अनुसार सातदोबाटो, धरान, बुटवल र रौतहटको फुटबल एकेडेमीलाई अस्थायी क्वारेन्टाइन र आइसोलेसन कक्ष बनाउन सकिने बताए।
'एन्फाको भौतिक संरचनाहरु ललितपुरको एन्फा कम्प्लेक्सको होस्टल, बुटवल र धरानको फुटबल एकेडेमीको होस्टल र रौतहटको महिला फुटबल एकेडेमीको होस्टलमा अस्थायी क्वारेन्टाइन र आइसोलेसन लागि आवश्यक परेको खण्डमा नेपाल सरकार, प्रदेश सरकार र स्थानीय सरकारले प्रयोग गर्न सक्नेछन्,' प्रवक्ता राईले भनेका छन्।
