इंग्लिस क्लब म्यानचेस्टर सिटीका प्रशिक्षक पेप ग्वार्डिओलाको आमाको कोरोनाभाइरसका कारण निधन भएको छ।
८२ वर्षीया डोलोर्स साला कारियोको स्पेनको बार्सिलोनामा निधन भएको हो।
ग्वार्डिओलाको आमाको निधन भएपछि क्लबले उनीप्रति सहानुभूती प्रकट गरेको छ।
महामारीको रुपमा फैलिरहेको कोरोनाका कारण स्पेनमा १३ हजार बढीको निधन भइसकेको छ।
देशमा कोरोना संक्रमण बढेपछि ग्वार्डिओलाले गत महिना १ मिलियन युरो सहयोग गरेका थिए।
स्पेनिस नागरिक ग्वार्डिओला जुलाई २०१६ मा सिटीको प्रशिक्षक बनेका थिए। त्यसअघि उनी जर्मन क्लब वायर्न म्युनिख र स्पेनिस बार्सिलोनाका प्रशिक्षक थिए।